Միջնադարյան
հիշողությունները Լյուդովիկոս XIV-ի հետ կապված առնչվում են ֆրանսիական միապետի երկար
ու ճոխ մազերի, «Պետությունը ես եմ» տարածված արտահայտության և, իհարկե, այն բնորոշման
հետ, որը շնորհվել է նրան՝ «արև արքա»: Նա եվրոպական պետությունների գահակալներից ամենաերկարակյացն
էր՝ 72 տարի ու ևս մոտ 100 օր:
Նրա պատվին
է անվանակոչվել ամերիկյան Լուիզիանա նահանգը,
որը երկար տասնամյակներ գտնվել է Ֆրանսիայի տիրապետության տակ, իսկ 19-րդ դարի սկզբին
Նապոլեոնի ձեռքով վաճառվել է ԱՄՆ-ին:
Պատմությունը
տեսել է բազմաթիվ թագավորների, ովքեր եղել են նաև երաժիշտ, գրող կամ փիլիսոփա: Իսկ
Լուին պատանի տարիքից զբաղվում էր բալետով
և իր կառավարման շրջանում հատուկ ուշադրություն է դարձրել պարային ներկայացումների բեմադրմանը:
Աֆորիզմներ, որոնք պատկանում կամ վերագրվում
են Լուի XIV-ին
Ես ավելի հեշտությամբ կհաշտեցնեի ողջ Եվրոպան,
քան մի քանի կնոջ:
Ամեն անգամ, երբ ինչ-որ մեկի բարձր պաշտոն
եմ տալիս, ես ստեղծում եմ 99 դժգոհներ և 1 անշնորհակալ:
Ժամանակը, որ մենք հատկացնում ենք սիրուն,
երբեք չպետք է վնասի մեր գործերին:
Կասկածելի գործերում չսխալվելու մեկ երաշխիք
կա՝ ակնկալել վատագույն ավարտ:
Ճշտապահությունը արքաների բարեկրթությունն
է:
Ինչո՞ւ եք լալիս: Մի՞թե կարծում էիք, որ հավերժ
եմ ապրելու:
Լուիդորները աշխարհում միակ բանն են, որ դուր
են գալիս բոլորին:
Դա օրինական է, որովհետև ես եմ այդպես ուզում:
Պատերազմը միապետների բոլոր զբաղմունքներից
ամենահաճելին և պատվավորն է:
Առաջին զգացողությունները միշտ ամենից բնականն
են:
Ես հեռանում եմ, բայց պետությունը կլինի հավերժ:
Լյուդովիկոս XIV-ի մասին հատվածներ կարդացեք
նաև այստեղ՝
Հայտնի մարդկանց անհայտ խոսքերը
Հայտնի մարդկանց անհայտ խոսքերը
Աիդա Գրիգորյան
Комментариев нет:
Отправить комментарий