Օր առաջին – Նախ այցելեցինք Տավուշի
մարզի Թեղուտ գյուղի Միջնակարգ դպրոց, որտեղ տնօրեն Արգամ Թամրազյանը մեզ ներկայացրեց
իրենց դպրոցը, դասասենյակները, մարզադահլիճը: Բաժանվելով 3-4 հոգանոց խմբերի` անցանք
կրթահամալիրի կողմից տրամադրված գրքերը գյուղի բնակիչներին բաժանելու գործին: Կարճատև
հանգստից հետո անտառապատ ճանապարհներն ու շրջապտույտները մեզ հասցրեցին Պարզ լիճ: Ճանապարհին
կանգ առանք, երգեցինք ՀՀ օրհներգը, արտասանեցինք Չարենցի, Համո Սահյանի, Վարուժանի բանաստեղծություններից,
որից հետո շարժվեցինք առաջ: Երեկոն իջնելուն պես նախապատրաստվեցինք
բացօթյա ընթրիքի ու խարույկ վառելուն` աղջիկները սեղան էին գցում, տղաները` կրակի համար փայտ բերում այգուց, իսկ ուսուցիչները մերթընդմերթ պատմում էին իրենց երիտասարդ տարիների հետաքրքիր ու զարմանալի պատմությունները,
որոնք մենք մեծ սիրով ուկնդրում էինք: Որոշել էինք գիշերել վրաններում, սակայն խուսափելով
խոնավ եղանակից, նախընտրեցինք քնել դպրոցի տնօրենի եղբոր հարմարավետ տանը: Արկածաշատ երեկոն ավարտվեց
քաղցր քնով, քանի որ բոլորս շատ հոգնած էինք:
Օր երկրորդ – Բոլորիս համար օրը շուտ
սկսվեց. ժամը 7-ին մի մասն արթուն էր, իսկ ընդամենը մեկ ժամ անց մեր ամբողջ խմբով կանաչապատ
այգում էինք: Հավաքելով մեր իրերը և հրաժեշտ տալով այդքան հյուրընկալ ու հարազատ դարձած
Թեղուտ գյուղին` ավտոբուսով ուղևորվեցինք Հաղարծին: Այստեղից կրկին պետք է արշավի գնայինք,
բայց հետո որոշվեց մնացած ժամանակն անցկացնել Սևանա լճի ափին: Ինչպես միշտ` անպակաս
էին խաղերը, զավեշտալի պատմություններն ու այրող արևը. կարող եք դիտել ճամփորդության
ֆոտոշարքն ու տեսանյութը:
Եզակի ճամփորդություն
էր նաև այն առումով, որ այս երկու օրվա ընթացքում ջրի պակաս բացարձակապես չի զգացվել:
Комментариев нет:
Отправить комментарий